L'UAMU DE PISU

L'UAMU DE PISU
UAMU DE CORA
PARA FHU MISU
NTRE NU MOTORA

SEMPA CHI GIRA
SIRA E MATINA
SI AVA CHI DIRA
ARRIVA PRIMA

SAPA MU PARRA
ESTA STRUITU
E NO TI SGARRA
MANCU NU MBITO

LU FHACIA A POSTA
MU VI VIDITI
CUAMU VI CONZA
VUI VI MENTITI

MO LI PIGGHIAU
NA MALATIA
SI NDADDUNAI
CA CAPISCIA

ALLORA LITICA
SI MENTA A PARRARA
E LA POLITICA
VO PEMMU MPARA

ESTA MPORMATU
DE LU COMUNA
FHA L'ARRABIATU
SI PARRI TUNA

CUOMU CA GIRA
AVA RAGIUNA
SAPA MOVIRA
LU MANIGGHIUNA

E NNAMMURATU
DE LU GOVERNU
ESTA AGGARBATU
FHACIA LU BELLU

NDAVA PE TUTTI
AZA LA VUCIA
JETTA STRAMBUATTI
PARA NU DUCIA

A MIANZU MUNDU
AVA PROMISU
NON E NU CUNNU!
ANZI E' DE PISU

Ogni riferimento a fatti e persone è puramente casuale.
Salvatore Valentino 18/11/2009

Penzava ca de pisu (....pe' panza e prisenza) era sulu io....
ma 'ntra stu paisieddu sventuaratu de gianti chi si fhannu chiamara "DON" e chi si cridanu na "COSA RANDA".....'ndava tanti!
.....Prima ca mu aparanu la gargia avissa mu controllanu si lu fhiatu li fheta!

falco ma è veru ca a ciriharcu i don su i priaviti e atri gianti speciial

A Cirifharcu "DON" si fhannu chiamara puru i QUAQQUARAQQUA' povari e sciantini abituati, pe l'apparenza, mu fhannu li sprizzi nobili puru quandu su chini de peducchi e moranu de fhama
'Ntra l'atri paisi li "Don" su gianti de sostanza (puru de sordi), de puzzu e "d'onorata società"
Li Prieviti io no li chiamai mai Don......pecchi no mi fhazzu pigghiara pe cunnu e no li dissi mai gnorsì (Don deriva dal latino "Dominus" che significa Signore, Padrone)